ابوذيات جوة السووووك 3 ابــــــــ 250

تظن يبره الجرح عكبك .... ويلتم
جفيت وبالحشى منك ...... و يلتم
الثريا الها شمل سبعه .... و يلتم
وانه واحد حبيبي وشح علية

المسه كتله صباح الخير ... وبراك
اتمازح كال لولا اتوخز ..... وبراك
كلت لا و الذي صورك ..... و براك
بجبينك صبح ظنيت المسيه

بره المسكوم من علته ..... وناداي
وحركت الناس بهجرك .... وناداي
براس اربع طرق لكعد ..... وناداي
انه المظلوم وانت بدعت بيه

يلي جرحـــــــــــت كلبي وانه شاهد
شلزم مـــــــــــــن عشرتك و اشاهد
خل غيرك حكم ونته ........ شاهد
شوف اشخذت وشخليت اليه

عليكم مـــــــــــــن سلام الله ورحمه
حن على اهل الكلب مـــــره ورحمه
اذا رايد اجــــــــــــــــــــر انت رحمه
تعال انطيني بوسه وحن عليه

جنه من الدفـــــــــــو يا ناس حضنه
عشكته وما كعـــــــــــد وياه حضنه
ما ردت الطمع بــــــس ردت حضنه
ومن حضنه محد يفكه من اديه

شكرت الله اعله خلقـــــه من جماله
وكلبي مــــــــــــن محبته منجه ماله
عاين عالمرايه ومــــــــــــــن جماله
انذهل وباس المرايه شلون بيه

هم الناس واحــــــــــــد وانت همين
وعلى جــــــــــــرح لبكلبي اتهم من
زماني لــــــــو اخوتي و انت همين
على جرحي تعاونتوا سويه

الله عاست ايدك حلوة كلش
تقبل مروري المتواضع انتظر منك كل ما هوا جديد ومفيد ولا تنسانى من المتعة

أللـــــــــــــــــــــــه
موضوع أكثر من راقي
شكراً على المجهود
























[b][i]